Magpatuloy ka sa buhay ng pagibig. Kung ang iba ay makikilala ang buhay mo at makita ang mga biyayang nasa’ yo, at kung makikiusap silang magsalita ka tungkol sa iyong buhay, magbahagi ka, subalit kailangang ang mga sasabihin mo ay galing sa mga naranasan mo sa buhay. Ibase mo ang iyong sasabihin sa Banal na Kasulatan at turo ng Simbahan kung saan kumukuha ng lakas ang iyong grupo bilang bukal na inyong iniinuman, dahil ito ay sigurado, hindi nauubusan, at magpakailanman. Upang sa gayon, kung ang Mabuting Pastol ay magsasalita, kayo ang magsisilbing kanyang mga buhay na salita.

Kung natulungan, naliwanagan at nabigyan saya n’yo na ang mga hamak sa lipunan, na-itatag na ninyo ang pundasyon sa pagtatayo ng isang bagong siyudad. Buklurin n’yo muli ang inyong mga sarili at ulit-ulitin muli ang Mapapalad na winika ni Kristo (Mt 5) upang hindi mawala ang diwa ni Kristo at ang kanyang mga naisin sa inyo. Pagkatapos tumanaw pa kayo sa malayo at ipahayag sa bawat kapwa, mayaman man o mahirap, maganda at di-kanais-nais, magaling at di-magaling na si Kristo ay nasa kanila na dumadaan.

Gawin na ang inyong mga hanay, ang hanay ni Hesus at Maria, ay maglingkod kay Hesus at makiisa kayo sa mga tumatangis, makisaya sa mga nagsasaya, laging makiisa sa tagumpay at paghihirap ng iba, sa lahat ng sakripisyo, ng hindi nagsasawa. Lagyan ng pagitan ang inyong bawat pagkilos ng panalangin, kasama ng iyong hanay sa isang pagkakaisang ganap para sa ganun sa pamamagitan ni Kristo, makamit ninyo ang maluwalhating tagumpay sa lugar na iyon. At kung ang pagsisikap ay may kalakip na kabayaran, maging batid na ang bawat tagumpay ay may lihim, dahil siyang nag-udyok sa atin ay nagbayad na ng kanyang sariling dugo.

Patawarin at ipanalangin ang mga nag-iisip ng masama sa’ yo dahil kung di ka magpapatawad, hindi ka makakatanggap ng habag, at kung nilalamon ka ng paghihirap, umawit ka, “Oh aking pagibig, kaibigan, at kapatid,” upang sa gayon sa oras ng iyong kamatayan, sasabihin sa’yo ng Panginoon, “ Bumagon ka at magmadali, aking mahal, ang aking pag-ibig, at sumama sa akin (Sg 2:10)

Gawin ito sa isang siyudad hanggang sa makamit ang tagumpay, sa puntong ang kabutihan ay mananaig sa kasamaan at sa pamamagitan natin mauulit ni Kristo ,“Napagwagian ko na ang mundo” (Jn 16:33)

Sa isang Diyos na dumadalaw sa’ yo sa bawat pagsikat ng araw, ang isang siyudad ay di sapat. Siya ang gumawa ng mga bituin, at ang gumagabay sa tadhana ng kasaysayan.

Magtakda ng kasunduan sa kanya, at lawakan ang iyong mithiin para iyong bansa, sa lahat ng bansa, sa buong mundo. Maging ang iyong bawat hininga ay maging para sa mithiing ito, lahat ng iyong kilos, maski ang iyong pahinga.

At kung marating mo na ang kabilang buhay, makikita mo ang mga mas makahulugang bagay at makakamit mo ang gantimpalang katumbas ng iyong pagmamahal.

Mabuhay na kung dumating na ang iyong takdang oras hindi ka magsisi dahil nagmahal ka lamang ng kakaunti sa iyong buhay dito sa mundo.

Chiara Lubich